Global Payment Info

Əsrlərdən süzülüb gələn milli ənənələrimizi yaşadan, köklərimizə bağlı olan bir kolleksiya təqdim edirik. Bu kolleksiya, Azərbaycan qadınının qədimdən bəri qoruduğu zəriflik və alicənablığı özündə əks etdirir. Kolleksiyamız hər bir qadının ruhuna toxunacaq, onun zərifliyini və incəliyini ön plana çıxaracaq modellerden ibaretdir.Bu kolleksiya, ənənə ilə müasirliyin qovuşduğu incə bir harmoniya təqdim edir. "Xınalıq Nağılı" adını daşıyan bu kolleksiya, mənim üçün böyük bir şəxsi məna daşıyır. Modellerimiz anamın öz əlləri ilə toxuduğu xalçanın parça üzərinə dizayn edilməsi ilə hazırlanmışdır. Bu xalça, yalnız bir sənət əsəri deyil, nəsildən-nəsilə ötürülən bir nağılın izlərini daşıyan mirasdır. Bu kolleksiya ilə sadəcə geyinmək üçün bir paltar əldə etmirsiniz – milli ruhu, tariximizin nəfəsini üzərinizdə hiss edəcəyiniz bir sənət əsərinə sahib olursunuz. Hər bir detalda, ən kiçik incəliklərdə belə, ən yüksək keyfiyyəti qorumaq bizim üçün əsas prinsipdir. Hər tikişdə, hər toxumada sevgi, zəhmət və sənətkarlıq var. Biz inanırıq ki, "Xınalıq Nağılı" kolleksiyasından seçəcəyiniz hər bir model, yalnız sizin zahiri görünüşünüzü tamamlamayacaq, həm də özünüzü daha güclü və qürurlu hiss etməyinizə səbəb olacaq. Bu kolleksiya, sadəcə bir geyim deyil – həyatınızın nağılını yaşadan bir əsərdir. Kolleksiyamızın ən özəl parçalarından biri də, UNESCO tərəfindən tanınan Xınalıq kəndinin məşhur daş evlərinin əks olunduğu modellərdir. Bu evlər, yalnız keçmişin bir izi deyil, eyni zamanda insan əzminin və təbiətə qarşı dözümlülüyün simvoludur. Xınalıq daş evlərinin hər biri, bir hekayə danışır və bu qədim torpaqların ruhunu yansıdır Biz də bu evlərdən ilhamlanaraq markamıza məxsus xüsusi parça dizayn etdik.Bu parçanı geyinmək, o daşların möhkəmliyini, Xınalıq kəndinin qədim ruhunu üzərinizdə daşımaq deməkdir.